Nýjasta uppfærla Business Central, eða útgáfa 28.0, kom út í maí 2026. Uppfærslan leggur ríka áherslu á gervigreind, sjálfvirkni og betri yfirsýn yfir daglegan rekstur, með það að markmiði að hjálpa fyrirtækjum að taka hraðari og upplýstari ákvarðanir. Við viljum draga fram þrjá þætti sem vert er að skoða nánar í BC 28.0.

Birgðagreining - Inventory Analytics

Nýtt og öflugra verkfæri sem veitir heildstæða sýn á birgðir – ekki aðeins stöðuna í dag heldur einnig hegðun þeirra yfir tíma.

Notendur fá nú sjónræna og gagnadrifna innsýn í:

• Hreyfingar og veltuhraða birgða
• Þróun birgðastöðu yfir tíma
• Hvaða vörur skila mestum árangri – og hverjar síður

Birgðagreining hjálpar fyrirtækjum að greina frávik snemma og grípa inn í áður en þau verða að beinum kostnaði.

Hvernig nýtir þú þetta í daglegu starfi?

• Byrjaðu á að skoða vörur með lágan veltuhraða og meta hvort draga eigi úr pöntunum eða auka kynningar
• Fylgstu reglulega með óeðlilegum sveiflum í birgðastöðu til að koma í veg fyrir yfirbirgðir eða skort
• Notaðu yfirsýnina til að skipuleggja innkaup betur út frá raunverulegri eftirspurn í stað tilfinningar
  
  

Vöruinnsýn - Item Insights

Vöruinnsýn er ný og aðgengileg leið til að sjá hvernig einstakar vörur standa sig – án þess að fara í flóknar skýrslur eða Power BI.

Allar lykilupplýsingar eru sameinaðar á einum stað, þar á meðal:

• Söluþróun yfir skilgreint tímabil
• Núverandi og áætluð birgðastaða, ásamt öryggismörkum
• Þróun kostnaðar og framlegðar

Copilot styður við greininguna með snjöllum ábendingum, til dæmis ef:

• Vara er að klárast
• Sala er að aukast eða dragast saman
• Kostnaður er að hækka

Þetta gerir notendum kleift að bregðast hraðar við og taka upplýstar ákvarðanir á einfaldan hátt.

Hvernig nýtir þú þetta í daglegu starfi?

• Athugaðu reglulega toppseljandi vörur og tryggðu að birgðir haldist í takt við eftirspurn
• Notaðu Copilot-ábendingar til að bregðast við snemma – t.d. panta áður en vara klárast
• Greindu vörur með lækkandi framlegð og skoðaðu verðlagningu eða innkaupsverð

Endurbættar fjárhagsskýrslur

Skýrslugerð í Business Central hefur tekið stórt skref fram á við, með sérstakri áherslu á hraða, stöðugleika og sveigjanleika.

Helstu breytingar:

• Hraðari keyrsla: Skýrslur opnast og reiknast hraðar, sérstaklega í gagnamiklum kerfum
• Meiri stöðugleiki: Færri villur og minni hætta á „timeout“ vandamálum
• Skýrari aðgreining gagna og útlits: Auðveldara að endurnýta gögn og breyta framsetningu án þess að hafa áhrif á uppsetningu
• Betri yfirsýn og rekjanleiki: Sýn yfir hvaða skýrslur eru í notkun, hver hefur breytt þeim og hvaða útlit er tengt hverri skýrslu

Niðurstaðan er einfaldari og skilvirkari skýrslugerð þar sem notendur eyða minni tíma í tæknilega umsýslu og meiri tíma í að greina gögnin.

Hvernig nýtir þú þetta í daglegu starfi?

• Nýttu hraðann til að keyra skýrslur oftar (t.d. vikulega í stað mánaðarlega)
• Búðu til mismunandi útlit fyrir ólíka notendur (stjórnendur vs. rekstrarteymi) án þess að breyta gögnunum sjálfum
• Fylgstu með breytingasögu til að tryggja betri stjórn og samræmi í skýrslugerð

Hvað þýðir þetta í raun?

BC28 snýst ekki bara um nýja eiginleika, heldur um að gera gögn aðgengilegri og gagnlegri í daglegum rekstri.

• Betri yfirsýn yfir birgðir og vörur
• Snjallari ákvarðanataka með stuðningi Copilot
• Minni tími í skýrslugerð og meira virði úr gögnum

👉 Í stuttu máli: þarna eru verkfærin sem hjálpa þér að fara úr „viðbragði“ yfir í „fyrirbyggjandi rekstur“.