Allt sem reksturinn þarf, á einum stað
Frá bókhaldi og mannauði yfir í sölu, þjónustu og samþættingar.
Uppgötvaðu lausnir sem vinna saman í Business Central og gera dagleg verkefni einfaldari.
Vala AI
Spurðu. Fáðu svar. Haltu áfram.
Gerðu upplýsingar úr Business Central aðgengilegri með gervigreind og fáðu svörin sem þú þarft, þegar þú þarft á þeim að halda.
Samþykktavefur
Einfaldari samþykktir, betri yfirsýn.
Gerðu samþykktarferlið skilvirkara og haltu betur utan um reikninga og kostnað á einum stað hvort sem þú ert á skrifstofunni eða á ferðinni.
Tímaskráning
Notaðu tímann í það sem skiptir máli.
DIKTA sameinar tímaskráningu og lykillausnir fagþjónustufyrirtækja í einu Business Central umhverfi, svo þú getir einbeitt þér að því sem þú gerir best.
Alhliða viðskiptalausnir í skýinu.
Markmið okkar er að bæta rekstur fyrirtækja
með nýjustu tækni, gæðum og góðri þjónustu.
AI-lagið er komið: Hvað ef þú gætir einfaldlega spurt viðskiptakerfið ? Við höfum vanist því að þurfa að kunna á viðskiptakerfið. Vita hvar upplýsingarnar liggja, hvaða skýrslu á að keyra og hvaða síur á að velja. En hvað ef þú þyrftir ekki alltaf að vita hvar svarið er? Hvað ef þú gætir einfaldlega spurt? Þar kemur Vala inn í myndina. Nýtt AI-lag ofan á reksturinn Vala er AI-lag ofan á Microsoft Dynamics 365 Business Central. Einfaldlega sagt gerir hún þér kleift að eiga samtal við upplýsingarnar í viðskiptakerfinu í stað þess að þurfa alltaf að leita að þeim sjálf/ur. Þú spyrð á eðlilegu máli og Vala notar upplýsingarnar sem þú hefur aðgang að í Business Central til að hjálpa þér að finna svarið. Til dæmis: „ Hvernig hefur framlegðin þróast síðustu þrjú árin? “ „ Hvaða vörur höfum við á lager sem hafa ekkert selst síðustu 12 mánuði? “ „ Ég fæ þessa villu þegar ég reyni að bóka. Af hverju gerist þetta og hvernig laga ég það? “ Spurningarnar eru ólíkar en hugmyndin sú sama. Þú þarft ekki alltaf að vita hvar svarið er. Þú þarft að vit hvað þú vilt vita. Frá leit yfir í samtal Þarna liggur ein stærsta breytingin sem gervigreind getur haft á notkun viðskiptakerfa. Hefðbundin hugbúnaðarnotkun byrjar gjarnan á kerfinu: Hvar er þessi aðgerð? Hvaða skýrslu þarf ég? Í hvaða töflu eru upplýsingarnar? Hvaða síur þarf ég að nota? Með AI-lagi getur upphafspunkturinn frekar orðið verkefnið sjálft. Í stað þess að hugsa um töflur, skýrslur og síur spyr notandinn einfaldlega spurningarinnar sem hann vill fá svarið við, t.d.: „ Hverjir skulda okkur mest miðað við hvað þeir kaupa, og hverja ætti ég að hringja í fyrst? “ eða: „ Hvaða vörur eigum við á lager sem hafa ekkert selst síðustu 12 mánuði? Raðaðu þeim eftir bundnu fé. “ Spurningin er ekki sett fram á tungumáli gagnagrunna, skýrslna eða ERP-kerfa. Hún er einfaldlega sett fram á mannamáli. Og það er kannski besta leiðin til að lýsa breytingunni. Við erum að færast frá því að leita okkur að upplýsingunum yfir í að eiga samtal við þær. Munurinn liggur í samhenginu Það er auðvitað hægt að spyrja almenn gervigreindartól alls konar spurninga um Business Central. En það er stór munur á því að spyrja almennt: „ Hvernig virkar framlegð? “ og: „ Af hverju er framlegðin hjá okkur miklu hærri í ár en áður? “ Seinni spurningin krefst samhengis. Almenn gervigreind getur þekkt Business Central vel en hún hefur ekki sjálfkrafa samhengi um gögn, uppsetningu eða sérlausnir fyrirtækisins. Þetta samhengi er einmitt lykilatriði í þróun Völu og hennar helsti styrkur. Þannig snýst málið ekki bara um gervigreind sem veit mikið. Heldur gervigreind sem getur hjálpað þér að skilja þinn rekstur. Minni tími í að sækja gögn, meiri tími í að nota þau Ávinningurinn verður sérstaklega áþreifanlegur þegar horft er á verkefni sem við framkvæmum aftur og aftur. Hægt er að taka dæmi um stjórnanda sem þarf reglulega upplýsingar úr Business Central en vinnur ekki sjálfur mikið í bókhaldinu. Áður fólst ad hoc greining oft í því að sækja gögn úr kerfinu, flytja þau yfir í Excel og vinna þar áfram með pivot-töflum. Með Völu er hægt að byrja á spurningunni sjálfri. Verkefni sem áður gat kallað á 20 mínútna Excel-vinnu getur í réttu tilviki byrjað á einnar mínútu spurningu. Það er einfalt dæmi, en sýnir hvert við erum að stefna. Markmiðið er ekki að nota meiri gervigreind. Markmiðið er að stytta leiðina frá spurningu að upplýsingum sem hægt er að vinna með. Ekki bara fyrir stjórnendur Vala getur líka nýst þeim sem vinna daglega í Business Central. Ofurnotandi getur til dæmis fengið aðstoð við nýja virkni kerfisins, leitað skýringa á villu eða skoðaað möguleg gæðavandamál í gögnum. Í stað þess að byrja á að leita í handbók eða rekja sig í gegnum uppsetningu kerfisins má byrja á vandamálinu: „ Ég fæ þessa villu þegar ég reyni að bóka. Af hverju gerist þetta og hvernig laga ég það? “ Markmiðið er ekki aðeins að gefa svar, heldur að veita samhengi og leiðsögn sem hjálpar notandanum áfram. En má treysta AI fyrir rekstrargögnunum? Það er eðlileg spurning. Þegar gervigreind vinnur með fjárhagsupplýsingar, viðskiptagögn og aðrar mikilvægar rekstrarupplýsingar skiptir traaust ekki síður máli en tæknin sjálf. Vala vinnur út frá aðgangsheimildum notandans í Business Central. Notandinn á því ekki aað fáaa aðgang að gögnum sem hann hefur ekki heimild til að sjá. Í núverandi útfærslu er Vala jafnframt lesandi. Hún getur ekki bókað, breytt eða eytt gögnum. Það gerir notandanum kleift að nýta gervigreindina til að skoða, skilja og greina upplýsingar án þess að hún sé að breyta gögnunum á bak við tjöldin. Frá því að spyrja yfir í að gera Í dag getur Vala lesið gögn, útskýrt og leiðbeint. Framtíðarsýnin nær lengra. Þróun gervigreindar snýst sífellt meira um að tengja saman gögn, þekkingu, kerfi og aðgerðir. Þar geta sérhæfðir AI-agentar í framtíðinni farið frá því að segja okkur hvernig verkefni er unnið yfir í að vinna verkefnið með okkur. Þá færist þróunin frá: Spurning → Svar yfir í: Spurning → Samhengi → Leiðsögn → Aðgerð Það er hugmyndin á bak við AI-lagið. Gervigreindin verður þá ekki sérstakt tól við hliðina á vinnunni. Hún verður hluti af því hvernig vinnan er unnin. Hættu að leita . Spurðu Völu . Rue de Net hefur í áratugi hjálpað fyrirtækjum að fá meira út úr Microsoft Dynamics 365 Business Central. Með Völu tökum við næsta skref og færum þekkinguna nær notandanum. Hvað myndir þú vilja geta spurt þitt Business Central ? Kynntu þér Völu AI eða hafðu samband og við sýnum þér hvað Vala getur gert.
Það á að vera einfalt að samþykkja reikning. Með nýjum Samþykktavef Rue de Net geta notendur farið yfir, samþykkt og hafnað reikningum og öðrum innkaupaskjölum í einföldu vefviðmóti, án þess að þurfa að opna Microsoft Dynamics 365 Business Central. Vefurinn tengist beint við Samþykktakerfi Rue de Net og allar aðgerðir uppfærast sjálfkrafa í Business Central. Einfaldara fyrir þá sem þurfa bara að samþykkja Ekki allir sem koma að samþykkt reikninga þurfa að vinna daglega í Business Central. Samþykktavefurinn er sérstaklega hannaður með þessa notendur í huga. Samþykkjandinn fær einfalt yfirlit yfir það sem bíður, getur skoðað upplýsingar og fylgigögn og tekið afstöðu til reikningsins á einum stað. Á sama tíma heldur bókhaldið áfram að vinna í Business Central eins og áður. Samþykkt á vefnum skilar sér sjálfkrafa inn í kerfið og því þarf ekki að færa upplýsingar á milli kerfa. Allt sem þú þarft til að taka ákvörðun Samþykktavefurinn snýst ekki bara um að ýta á samþykkja eða hafna. Markmiðið er að samþykkjandinn hafi upplýsingarnar sem þarf til að taka ákvörðun. Á vefnum er meðal annars hægt að: samþykkja eða hafna reikningum samþykkja eða hafna einstökum reikningslínum afgreiða marga reikninga í einu með fjöldasamþykktum skoða reikningsupplýsingar, línur, víddir og upphæðir opna PDF-skjöl og myndir við hlið reiknings skrifa og lesa athugasemdir framsenda samþykkt á annan notanda fletta upp bókuðum innkaupareikningum. Vefurinn gefur jafnframt yfirsýn yfir lykiltölur, meðal annars fjölda beiðna í vinnslu, beiðnir yfir gjalddaga, meðaltíma vinnslu og heildarupphæð. Samþykktu á ferðinni Samþykkt reikninga þarf ekki að bíða eftir því að þú komist aftur við skrifborðið. Samþykktavefurinn er farsímavænn og virkar bæði í tölvu og síma. Hann styður íslensku og ensku og hægt er að vinna með fleiri en eitt fyrirtæki í Business Central. Það verður því einfaldara að afgreiða það sem bíður, hvort sem þú ert á skrifstofunni við tölvu eða á ferðinni með farsímann. Spurt og svarað Þarf ég að kunna á Business Central til að nota Samþykktavefinn? Nei. Vefurinn er einmitt hugsaður fyrir notendur sem þurfa að samþykkja reikninga en vinna ekki endilega daglega í Business Central. Tengist vefurinn Business Central? Já. Samþykktavefurinn tengist beint við Samþykktakerfi Rue de Net í Business Central. Samþykktir, hafnanir og framsendingar uppfærast sjálfkrafa í Business Central. Hvað með heimildir og aðgang að gögnum? Aðgangur fylgir heimildum hvers notanda í Business Central. Notendur sjá því aðeins þær beiðnir og upplýsingar sem þeir hafa heimild til að vinna með og geta aðeins framkvæmt þær aðgerðir sem heimildir þeirra ná til. Get ég notað vefinn í símanum? Já. Samþykktavefurinn er farsímavænn og því hægt að fara yfir og afgreiða samþykktir bæði í tölvu og síma. Get ég unnið með fleiri en eitt fyrirtæki? Já. Ef notandi samþykkir reikninga fyrir fleiri en eitt fyrirtæki er hægt að skipta á milli þeirra á Samþykktavefnum. Einfaldlega samþykkt Nýi Samþykktavefur Rue de Net einfaldar leiðina frá reikningi að samþykkt. Þú færð skýra yfirsýn, aðgang að þeim upplýsingum sem þú þarft og getur afgreitt samþykktir hvar sem þú ert, án þess að þurfa að vinna daglega inn í Business Central. Viltu einfalda samþykktarferlið hjá þínu fyrirtæki? Hafðu samband við okkur og fáðu nánari upplýsingar
Gervigreind er að breyta leiknum hratt og það er ekki alltaf auðvelt að sjá hvað bíður handan við hornið. Þess vegna borgar sig að sitja í fremstu röð. Á Directions EMEA 2026 sótti okkar fólk innblástur, þekkingu og innsýn í það sem er næst í gervigreind og Business Central. Fjórir fulltrúar Rue de Net sóttu ráðstefnuna: Steinar Sigurðsson, Alfred B. Þórðarson, Halldóra Jóna Jónsdóttir og Hrólfur Hjörleifsson . París, með fallegum byggingum og líflegum kaffihúsum, var skemmtileg umgjörð fyrir bæði ráðstefnuna og fundi með samstarfsaðilum okkar. Þekking og tengsl við samstarfsaðila Mánudaginn fyrir Directions tók Steinar þátt í LS Retail AI Summit, heilsdagsviðburði þar sem LS Retail og samstarfsaðilar á borð við Rue de Net ræddu nýjustu þróun í gervigreind fyrir verslunarlausnir. Hrólfur sótti á sama tíma samstarfsdag Boltrics, þar sem farið var yfir vegvísinn fram undan og helstu nýjungar í flutningslausnum. Ferðin snerist þó ekki bara um dagskrána sjálfa. Við áttum góð samtöl við SoftwareOne og hittum samstarfsaðila úr ýmsum áttum. Þessi tengsl skipta okkur miklu máli. Þau hjálpa okkur að fylgjast vel með þróuninni og meta hvaða nýjungar geta skipt viðskiptavini okkar raunverulegu máli. Úr ráðstefnudagskránni drögum við hér fram þrjú viðfangsefni sem snerta daglegan rekstur viðskiptavina okkar. Að spyrja kerfið í stað þess að leita Microsoft sýndi hvernig Copilot getur hjálpað notendum að finna, draga saman og útskýra upplýsingar úr Business Central með spurningum á almennu máli. Notandinn getur lýst því sem hann vill vita og spurt síðan nánar út frá svarinu, án þess að þurfa að vita fyrirfram hvaða síðu eða skýrslu á að opna. Þannig getur samtalið stytt leiðina að upplýsingum, hvort sem verið er að skoða upplýsingar um viðskiptavin, greina gögn eða einfaldlega fá betri yfirsýn. Hjá Rue de Net höfum við verið að þróa VALA AI og því var sérstaklega ánægjulegt að sjá hversu vel sú vinna fellur að þeirri stefnu sem Microsoft er að marka fyrir Business Central. Fyrir okkur var það góð staðfesting á því að við erum á réttri leið. Gervigreind undirbýr, fólk heldur stjórn AI agents, eða gervigreindarfulltrúar, taka þetta skrefinu lengra. Í stað þess að svara eingöngu spurningum geta þeir tekið að sér afmörkuð verkefni og undirbúið vinnu fyrir notandann. Í kynningu á Sales Order Agent sýndi Microsoft hvernig slíkur fulltrúi getur unnið úr sölufyrirspurn og undirbúið pöntun. Sölumaðurinn getur síðan farið yfir vörurnar sem voru valdar, verð, framboð og hvenær fyrst er hægt að senda þær. Tækifærið er að minnka endurtekna skráningu og gefa starfsfólki meira svigrúm til að sinna viðskiptavinum og málum sem krefjast reynslu og mats. Færri skref í daglegri vinnu Microsoft kynnti umbætur í leit, aðgang að nýlega notuðum síðum og forskoðun skjala innan Business Central. Þær snerta verkefni sem fólk sinnir aftur og aftur. Sá sem skráir pantanir þarf oft að finna viðskiptavin, velja vörur og skoða fylgiskjöl. Færri skref og auðveldari aðgangur að upplýsingum gera vinnuna liprari. Sama á við um bókhald og innkaup, þar sem mörg lítil handtök taka drjúgan tíma samanlagt. Þess vegna snúast uppfærslur ekki bara um nýja virkni. Raunverulegi ávinningurinn kemur fyrst þegar fólk þekkir nýju möguleikana og nýtir þá í daglegri vinnu. Sirkusinn er rétt að byrja 🎪 Þessi viðfangsefni snúast öll um það sama: að eyða minni tíma í að finna og skrá upplýsingar og meiri tíma í að nýta þær. Ekki er allt sem kynnt var komið í almenna notkun og erfitt er að segja nákvæmlega hversu hratt breytingarnar verða. Eitt er þó ljóst: mikið er fram undan. Hjá Rue de Net fylgjumst við vel með þróuninni með þarfir viðskiptavina okkar að leiðarljósi. Fyrir okkur skiptir mestu máli hvaða nýjungar einfalda raunveruleg verkefni og geta skapað ávinning í daglegum rekstri. Við erum líka sjálf með spennandi nýjungar í gervigreind á leiðinni sem við hlökkum til að segja frá. Fylgstu með. Við ætlum að halda okkur í fremstu röð. Viltu ræða hvað þessar breytingar geta þýtt fyrir þinn rekstur? Heyrðu í okkur og við skoðum næstu skref með þér.
