Á dögunum gerðu Rue de Net og Netgíró samkomulag um að Rue de Net bjóði greiðslumáta Netgíró í þær vefverslanir sem Rue de Net sér um að búa til og setja upp fyrir sína viðskiptavini.

Netgíró býður íslenskum neytendum upp á einföld og örugg netviðskipti með nýrri tækni. Viðskiptavinur sem verslar vöru með greiðslumáta Netgíró fær vöru afhenta strax en þarf ekki að greiða vöruna fyrr en eftir 14 daga. Viðskiptavinurinn getur því handleikið vöruna áður en greitt er. Viðskiptavinurinn þarf ekki að fylla út flókin skráningarform eða gefa upp viðkvæmar öryggisupplýsingar til netverslana. Kaupferlið er því einfalt, öruggt og þægilegt.

„Vefverslunarkerfi Rue de Net býður nú þegar uppá marga greiðslumáta eins og Paypal, Valitor, Borgun og kaup í viðskiptareikning. Nú bætist Netgíró í hópinn sem gerir vefverslunarkerfið okkar enn fjölbreyttara og einfaldara að kaupa með notkun þess. Takk Netgíró,“ segir Viktor Einarsson sérfræðingur í vefverslunum hjá Rue de Net.

The post Rue de Net býður Netgíró í vefverslunarkerfi sínu appeared first on Rue de Net.