Himinlifandi starfsmenn í nýju húsnæði!
Það er óhætt að segja að Rue de Net hafi fært sig nær himni, því síðasta mánudagsmorgun opnaði skrifstofa fyrirtækisins í nýju glæsilegu húsnæði að Suðurlandsbraut 4 á 8. hæð.
Flutningarnar gengu eins og í sögu og þrátt fyrir að flutningaþjónusta hafi séð um burðinn á flestum innanstokksmunum reyndi á ýmsa hæfileika forritara Rue de Net. Menn og konur lögðust á eitt við að pakka, merkja, sendast og skrúfa. Við erum heppin að forriturum okkar er margt til lista lagt.
8. hæðin að Suðurlandsbraut 4 hefur fengið algjöra endurnýjun – allt er glænýtt og glansandi. Staðsetningin býður upp á stórkostlegt útsýni yfir Reykjavík og á vorkvöldum má eflaust sjá svífa yfir Esjunni sólroðið ský.
Það er ekki hægt að segja annað en að við séum í skýjunum yfir nýja húsnæðinu!
