Rue de Net er Gold Partner hjá LS Retail

stjori • 4 May 2016

Okkur er sönn ánægja að tilkynna að Rue de Net hefur verið útnefnt Gold Partner hjá LS Retail fyrir árið 2016. LS Retail Gold meðlimir eiga það sameiginlegt að hafa náð framúrskarandi árangri í sölu og þjónustu á lausnum LS Retail.

LS Retail er leiðandi í alhliða verslunar- og afgreiðslulausnum sem byggðar eru á Microsoft Dynamics NAV og henta lausnir LS Retail sérstaklega vel fyrir smásölu og veitingahúsarekstur. LS Retail er með yfir 220 samstarfsaðila um allan heim og hafa kerfi þeirra verið sett upp í yfir 120 löndum, í meira en 3.700 búðum og 55.000 verslunarkössum.

„Við erum mjög stolt af þessari viðurkenningu“ segir Alfred B. Þórðarson, framkvæmdastjóri Rue de Net. „Við leggjum mikla áherslu á góða þjónustu við bæði nýja og eldri viðskiptavini, því er þetta mikil viðurkenning fyrir allt okkar starfsfólk og gefur okkur kraft til að gera enn betur í framtíðinni“.

Rue de Net er ráðgjafafyrirtæki í upplýsingatækni sem aðstoðar fyrirtæki og stofnanir við val og innleiðingu á viðskipta- og verslunarlausnum. Hjá fyrirtækinu starfar samstíga hópur sérfræðinga með áralanga reynslu af rekstri viðskiptakerfa, innleiðingu og samþættingu viðskiptalausna.

Man in suit working on laptop by window overlooking a town and cloudy sky.

Nýjungar í Business Central 27

by Hákon Logi Bergsson • 24 September 2025
Leitaðu með gervigreind - Advanced Tell Me Í nýjustu útgáfunni af Business Central geturðu leitað að síðum, skýrslum og virkni án þess að vita nákvæmlega hvað þær heita. Þú slærð einfaldlega inn það sem þú vilt gera – og gervigreindin hjálpar þér að finna réttu aðgerðina. Þetta er kallað Advanced Tell Me , og það breytir hvernig notendur vinna með kerfið: Þú getur til að mynda skrifað „breyta verði“ eða „senda reikning“ og kerfið finnur viðeigandi síðu eða skýrslu. Þú þarft ekki lengur að muna flókin heiti eða leita handvirkt í valmyndum. Þetta sparar tíma og eykur sjálfstæði notenda. Hvernig virkja ég þetta? Til þess að prófa þessa virkni þarf að fara inn í síðuna Eiginleikastjórnun í BC (e. Feature Management) og kveikja á þessari virkni. Feature: Advanced Tell Me (preview) Frá og með BC28 (2026 Wave 1) verður þessi virkni sjálfkrafa virkjuð fyrir alla notendur, án þess að þurfa að stilla neitt sérstaklega. Af hverju ætti ég að prófa þetta? Einfalt og þægilegt – þú leitar eins og þú hugsar. Sparar tíma – færri skref til að finna það sem þú þarft. Aukið aðgengi – sérstaklega gagnlegt fyrir nýja notendur sem þekkja kerfið ekki vel.

Nýjungar í Business Central 26

by Þóra Rue de net • 7 May 2025
Microsoft er stöðugt að uppfæra og betrumbæta Business Central í skýinu. Viðamiklar uppfærslur eru gerðar tvisvar á ári og innihalda þær margar áhugaverðar og hjálplegar nýjungar. Nýjasta uppfærslan ætti að detta inn á næstu vikum og má því byrja að hlakka til.