Rue de Net teymið stækkar og styrkist!

stjori • 4 July 2016

Nú í júní hófu fjórir starfsmenn störf hjá Rue de Net. Það eru þau Ásgeir Daði Þórisson, Bjartur Hjaltason, Gunnar Marteinsson og Hafrún Sigurðardóttir. Ásgeir, Gunnar og Hafrún voru öll að útskrifast með B.Sc. í tölvunarfræði við Háskólann í Reykjavík og Bjartur með B.Sc. í hugbúnaðarverkfræði við Háskóla Íslands.
Einnig í júní hófu fjórir sumarstarfsmenn störf hjá Rue de Net. Það eru þau Ástrós Einarsdóttir, Darri Steinn Konráðsson, Svava Hildur Bjarnadóttir og Þórunn Arna Ómarsdóttir. Ástrós var að klára annað ár sitt í hugbúnaðarverkfræði við Háskóla Íslands, Darri er á þriðja ári í hugbúnaðarverkfræði við Háskólann í Reykjavík og Svava og Þórunn voru að klára sitt annað ár í tölvunarfræði við Háskóla Íslands.
Síðast en ekki síst þá hóf Sigrún Eðvaldsdóttir einnig störf hjá Rue de Net í júní, Sigrún mun sinna starfi skrifstofustjóra í fjarveru Karólínu á meðan hún er í fæðingarorlofi. Sigrún er með B.A. í hagfræði og M.S. í fjármálum fyrirtækja frá Háskóla Íslands.

Man in suit working on laptop by window overlooking a town and cloudy sky.

Nýjungar í Business Central 27

by Hákon Logi Bergsson • 24 September 2025
Leitaðu með gervigreind - Advanced Tell Me Í nýjustu útgáfunni af Business Central geturðu leitað að síðum, skýrslum og virkni án þess að vita nákvæmlega hvað þær heita. Þú slærð einfaldlega inn það sem þú vilt gera – og gervigreindin hjálpar þér að finna réttu aðgerðina. Þetta er kallað Advanced Tell Me , og það breytir hvernig notendur vinna með kerfið: Þú getur til að mynda skrifað „breyta verði“ eða „senda reikning“ og kerfið finnur viðeigandi síðu eða skýrslu. Þú þarft ekki lengur að muna flókin heiti eða leita handvirkt í valmyndum. Þetta sparar tíma og eykur sjálfstæði notenda. Hvernig virkja ég þetta? Til þess að prófa þessa virkni þarf að fara inn í síðuna Eiginleikastjórnun í BC (e. Feature Management) og kveikja á þessari virkni. Feature: Advanced Tell Me (preview) Frá og með BC28 (2026 Wave 1) verður þessi virkni sjálfkrafa virkjuð fyrir alla notendur, án þess að þurfa að stilla neitt sérstaklega. Af hverju ætti ég að prófa þetta? Einfalt og þægilegt – þú leitar eins og þú hugsar. Sparar tíma – færri skref til að finna það sem þú þarft. Aukið aðgengi – sérstaklega gagnlegt fyrir nýja notendur sem þekkja kerfið ekki vel.

Nýjungar í Business Central 26

by Þóra Rue de net • 7 May 2025
Microsoft er stöðugt að uppfæra og betrumbæta Business Central í skýinu. Viðamiklar uppfærslur eru gerðar tvisvar á ári og innihalda þær margar áhugaverðar og hjálplegar nýjungar. Nýjasta uppfærslan ætti að detta inn á næstu vikum og má því byrja að hlakka til.