Vöruhúsahluti Boltrics hjá RAX
20. nóvember 2023
RAX vöruhús ehf hefur í samstarfi við Rue de Net tekið upp vöruhúsahluta flutningakerfislausnar frá hollenska fyrirtækinu Boltrics. Rax sinnir einnig vöruflutningum. Þetta er annað vöruhúsakerfi Boltrics sem Rue de Net setur upp.
Boltrics flutningskerfið samanstendur af þremur hlutum. Í fyrsta lagi er vöruhúsahlutinn WMS fyrir fyrirtæki sem eru með vöruhús fyrir þriðju aðila. Annar hluti lausnarinnar – FFS er lausn fyrir fyrirtæki í sjó og flugfrakt. Þriðji hluti kerfisins er TMS – aksturskerfi fyrir flutningafyrirtæki með landflutninga fyrir þriðju aðila.
Boltrics flutningakerfislausnirnar eru notaðar um allan heim og er Rue de Net endursöluaðili kerfisins á Íslandi.
Toppstemmning í Hörpunni hjá Rue de Net
Rue de Net tók þátt í Framadögum Háskólans í Reykjavík 2026 sem voru haldnir 22.janúar kl. 10 til 14. Við vorum á annarri hæðinni og kynntum starfsemi okkar fyrir nemendum og gangandi gestum. Útskýrðum fyrir þeim sem vildu vita hvað við værum nú að gera, hvernig Business Central virkaði sem undirstaðan í öllum okkar lausnum, hvernig við hjálpum íslenskum fyrirtækjum að ná betri árangri í daglegum rekstri og mikilvægast af öllu hvernig rétt væri að bera fram nafn fyrirtækisins. Við erum íslenskt hugbúnaðarhús með hjartað í Business Central (Microsoft Partner) sem hefur unnið markvisst að því að sameina ungt, hæfileikaríkt fólk og reynslumeira fagfólk í sterku lærdómsumhverfi. Hjá okkur finnurðu skapandi andrúmsloft þar sem fólk fær að vaxa í starfi. Við erum stolt af fjölbreytileikanum okkar og hærra hlutfalli kvenna en gengur og gerist í tæknigeiranum, við horfum þó fyrst og fremst á hæfni og dirfkraft. Við buðum upp á "HITTU Í NETIÐ MEÐ RUE DE NET" sem slóg rækilega í gegn og keyrði upp keppnisskapið hjá öllum, sem er alltaf fjör. Við Halldóra vorum þarna sem fulltrúar fyrirtækisins og okkur fannst ótrúlega gaman að fá að taka þátt í þessum degi, hitta ykkur öll, taka spjallið og helst að hitta í netið með ykkur.
